De Jokers

n 1960 waerdje ónger de naam "De Jokers" (vastelaoves-nar) een carnavalsvereniging opgerichtj. De vereniging reep in 1961 Prins Funs I es ieërste prins oet. De C.V. de Jokers hieët mer 6 vastelaovessprinse oetgerope. Vanwaege 't in kórte tied oploupende kóste-plaetje höbbe de Jokers zich in 1967 mótte opdoeke.


Vanaaf 1979 ginge de plaatselikke Harmonie (hermenie Crescendo) en de Voetbalclub (Voetbalvereniging Beegden) het zgn. "HaVo-bal" op puetjes zètte, waobie tot 1987 eder jaor eine prins oet de hermenie of voetbalklup waerdje oetgerope.
Vanaaf 1988 waerdje door 't "HaVo-comité" prinse oet de ganse Bieëgdjer gemèndsjap oetgezochtj. Dees vastelaovesprinse waerdje es "JOKER-prins" (zeendje dé Prins van Bieëgdje) aangesproeake. Nao ein paar jaor hieët dit oeteindlik tot 't opdoeke van 't "HaVo-comité" geleid en hieët Paul Pollaert en Bart Backes 't 't väörtouw genoeame en höbbe ze same mèt ein aantal vastelaoves-veerders oet 't aod HaVo-klupke de "STICHTING DE JOKERS BIEËGDJE" opgerichtj. Offisieel is dees sjtichting op 12 fibberwari 1992 ten kantore-van notaris Smits in Thoear geboeare.

 
Väör en ten tieje van de oprichting van "Stichting De Jokers" woeare ouch anger vereniginge oet Bieëgdje ane gang mèt vastelaoves-aktiviteite. Dees vereniginge zeen in daen tied det d'r gein vastelaovesklup in Bieëgdje besjtóng in 't zgn. "carnavals-gaat" gedoeake. Zoea organiseerdje de jeugdsoos "Second Home" al hieël väöl jaore de jeugdvastelaovendj. Ze repe al vanaaf 1965 eine jeugdprins oet. Ouch waerdje de vastelaovendj ane gang gehaoje in keffee Piepers (inne Hei). De "Heipötters" repe dao jaore langk eine vastelaovesprins oet.
Vanaaf 1993 hieet de "Stichting De Jokers Bieëgdje" in good ueverligk mèt de jeugdsoos, 't ganse jeugd-vastelaovesgebäöre, uevergenoeame. Hermenie Crescendo besjloeat in 1995 de Bóntje Aovendje ane Jokers uever te drage.

 
Ein van de hoeagtepuntje in 't nog kórte besjtaon vanne Jokers, vormdje 't behaoldje Limburgse Buutte-kampioenschap op 14 januari 1994 van oze eige Bieëgdjer-Joker: Peter Vaassen. Ein jaor daonao op 13 jannewari 1995 organiseerdje de Jokers de "Groeat-Limburgse- buuttekampioensjappe" väör ein pebliek det besjtóng oet 1300 luuj. In fibberwari 2003 vierdje Sjtichting de Jokers 't 11 jaorig besjtaon.